Beth mae rhieni’n dweud am y sesiynau
“Mae fy nau blentyn wedi dwlu ar fynd i Jambori. Teimlaf eu bod wedi dysgu llawer o sgiliau gwahanol o fynd i Jambori fel canu, dawnsio, cyfri, dysgu lliwiau, gwrando ac eistedd yn amyneddgar am eu tro i fynd i’r bocs sŵn sydd mor boblogaidd.
Mae hefyd yn ddifyr i gwrdd â rhieni eraill ac fe fydd yn eithaf trist pan fydd fy ail blentyn yn stopio mynd gan y byddaf yn gweld ei eisiau. Rwyf wedi bod pob wythnos am y bedair mlynedd diwethaf”
Lisa, mam Owain ac Olivia
Roedd fy mhlant a fi yn caru mynd i Jambori. Roedd yn uchafbwynt i’r wythnos iddyn nhw ac fe fyddwn yn ei argymell yn gryf! Mae’n hwyl ac ar yr un pryd yn addysgiadol iawn. Mae hefyd yn lle da i gwrdd â phobl newydd.
Katarina, mam Tora ac Erin
Sarah – rwyt ti’n ddiddanwr heb ei ail – mae dy egni a’th frwdfrydedd yn arbennig, rwyt ti’n llonni boreau dydd Llun Lybbi, yn ogystal â fi.
Rachel, mam Lybbi
Beth mae rhieni yn ei ddweud am bartion penblwydd
